قبل ما بلش أحكي عن مسلسلات، أنا عم نبش وفتشّ على مكسيم خليل، طيب انا بحبو كتير، وينو ما شفتو برمضان، مكسيم وينك يا بطل الابطال…. مكسيمو اين أنت؟؟؟
و هلّق رح كمّل جردة مسلسلات رمضان ما بعد الحلقة الأولى:
مسلسل حرب أهلية: مصري النجمة يسرا
مسلسل يحترم عين المشاهد ودينتو كمان، حلو كتير كيف بمصر بيكتبوا مسلسل لـ يسرا، شخصية بتناسب عمرها،
وكمان حبيت كتير باسل خياط شاطر وجذاب، عجبتني الحبكة،
حلو انو في ممثل سوري و ممثلة لبنانية، بس الكل عم يحكي مصري، بلا اي تصنّع برافو ،
اكيد اكيد بدي تابعو …
ضد الكسر : مسلسل مصري، نيللي كريم
اولا ٨ دقايق ما بين الكليب و المقدمة كتير هالقد، كلّ اللي صار انو شفنا نيللي اي سلمى على الارض وفاقدة الوعي و دمها سايح… مش كتير ٨ دقايق ….
منكّمل الحلقة، وصلت سلمى الى المستشفى، بعدو كعب المترين باجرها، ماشي، بس يلا صرنا بدقيقة ١٢ كتير هالقد والله… بس منكمل
اول حلقة، تمهيد لشخصيات المسلسل، والحدث، ومن بعد حلقة ٢ ما بعود بدك توقف، الحبكة جديدة، في جريمة وقصة، وخيانة، حلو إطار جديد، وتمثيل رائع متل ما دايما عودتنا نيللي كريم، وباقي الممثلين، اكيد رح نكمل… برافو
راحو : مسلسل لبناني،
كنت سبق وقلت انو القصة، بتحكي عن واقعة حدثت في تركيا، الإرهابي الذي دخل حانة ليلية و قوّس على الناس،
بديع ابو شقرا ونيكولا مزهر ابدعوا، حلويين أخوة، و رندة كعدي قديرة، دور جديد وحلو كتير، بس كارين يا كارين، انت انت، ما في تمثيل، ما في لعب، كل الشخصيات متل بعضها،
اكيد اكيد بدك مدرّب تمثيل، لازم تلاقي شي تاني بحالك غير البنت الكيوت لانو صراحة مش زابطة،
للصراحة بعد ما حضرت ٣٥٠ غ بس اذا ما شفت انك اشتغلتي على حالك رح ازعل منك كتير، فعلا كتير، يا ويلك من لساني،
لا لا لا لأ، ما رح تابع هلق مسلسل راحوا لانو بيكفينا نكد، ببقى بحضرو بعدين…..
ومن هلق لبعدين تصبحوا وتمسّوا بالف خير
