شو بدو يقول الواحد ،بسمع مقابلات الستار ، النجوم الممثلين، وبقول ريتك ما حكيت …
يا حبيبي يا طوني عيسى بمقابلة مع كارين سلامة قلت انو تابعت للموت و٢٠٢٠ ، واثنيت على العملين وبرافو عليك طبعا …
بس ولو ،بمقابلة مع فيراس حليمي ، بتقول عم تابع ٢٠٢٠ وراحوا ، وحبيته لمسلسل راحوا ، وهيدا رأيك.
بس حبيبي لما سألك عن للموت قلت ما عندك وقت وما بعرف شو … ما فهمت صراحة حضرت أو ما حضرت ضيعتني…
بعدين يا صديقي طلعت معك الشخصية بنصف ساعة …يا نيالنا فيك ، هلق عرفت ليش كنت عم تقشط ، حبيبي الشخصية ما فيها تطلع بنصف ساعة ….بدنا نتعلم شو يعني بناء شخصية شو فهمنا….
كارين سلامة حبيبتي على فكرة برنامجك شو قصتو؟ بيفتح فايس بوك وانستغرام وتويتر وبتخبرينا مين كتب شو ، ايه وشو استفدنا …
كارين رزقالله زلت عمل ، حبيبتي انت تمثيلك كله صار زلة ،التكرار وثم التكرار … ولك انت افشل شي كنتي بالمسلسل مع عابد فهد …يا الله شو بدو يحكي الواحد كنا قبلانين فيكي بلبنان ضروري تشتغلي مع إياد الخزوز وتخربي الدني بدبي، ومتل ما نصحك جمال فياض رجعي الى الكوميديا ،هلق هو شطور بالحكي وبيعرف بنسّق كلماتو بس انا رح قلك ياها رجعي لمرتي وانا وبزيادة …
