شاعر المنبر سعيد الحاج
إمي يا بيدر خير يا إمي
يا زارعه البسمه على تمي
لو ما عليّي تفرشي جْناحيْن
ما ضلّ كمشة حظ من يمّي
وِمْشاعرك مَشتَل ورد عالعين
وما أطيب الشمّه ورا الشمّه
وحتّى عيونك لِلوفا كَوْنيْن
وبِرموشك الكونيْن بِتضمّي
وهيدا انا هربان مدري لْويْن
عطشان وِمضيّع درب يمّي
ومصلوب حلمي بين عين وعيْن
والآخ عانق مدمعي ودمّي
وحُبِّك على عمري وشبابي دَيْن
والدَّين شَقلَب هَمّ عا همّي
ويا ريت بيصير العمر عُمريْن
بَلكي بْسِدّ الدَّين يا إمّي
