مسلسل لبناني اسمو ” بكّير ” مع انو مأخر كتير بطرح الموضوع ، انو مش كتير تاخرنا بلبنان ، شوفو بمصر وين صارو بالبحث عن علا ونحنا بعدها كارول الحاج عم تلعب بنت الضيعة هلق منيح طلعت من ماريانا و لبستها سينتيا كرم .
ما فييّ انكر وقول قديش سينتيا كرم ممثلة بارعة وأتقنت الدور ،ومش مأخر كتير نشوف سينتيا هلق على الشاشة ؟مش عيب ما شفناها من قبل؟ مش عيب خريجي المسرح يضلو ببيوتن وعارضي الازياء والاعلاميات وشي تكتك شي تيعا يمثلوا ؟
ايه بكّير حتى نوعى ، بكّير كتير ، سمير حبشي شو مفكر حالك هيتشكوك ؟بكل عمل بدك تطل علينا ؟ لا ،وبدّك تمثل وتعطي احساس ضحكتني والله ، خلص كنت مخرج شاطر اكيد، بس خلص .
كارول البوتوكس كتار كتير حبيبتي انت ومارينال سركيس ولا أي تعابير ، ولا شي خالص ،انو سينتيا تتعرض للتنمر لانها مش عالموضة واللي شادّة ومشدشدة ما حدا شاف ؟هاي آخرت الدني صراحة .
بس بليز بنت كارين رزق الله ما لازم تمثل ،ضروري ما تمثل، اذا بلا بوتكس ووجها بلاطة، دخيلكن التمثيل مش وراتة ،بليز كارين ضبي بنتك عفوا ما حفظت اسمها رح سميها بنت كارين ، لعبت دور بنت كارول الحاج جبلة وجبلة كبيرة ، باحدى الحلقات اللي بترجع فيها كارول من الضيعة لتاخد بنتها وبتنهار لانو بنتها هربت ، سينتيا بتقلّها كارول ارتاحي بدل ما تقلّها مجدلها ، ما حدن انتبه / عمو سمير وينك ؟
مسلسل لعي كتير لنشوف ايمتى بدو يخلص ، مسلسل بيشبه كلوديا تكرار متل العادة.
هالشي ما بيعني انو في شي أحلى منو ، لا ابدا ، في اللي أتعس منو ، مسلسلات مروان حداد ،
بليز خلص، ضروري نوقّف شغا واعادات يا مروان ، مظبوط صنعت نجوم بس كلن بلا وفا ،بعرف ،من بيتر سمعان لريتا برصونا لنادين الراسي لنادين نجيم لباميلا الكيك وهيدي الاخيرة بعد في اتقل من دمها ؟
باميلا انت شو مفكّرة حالك حبيبتي ، مش اذا بتحفظي كم مقولة وبتنسبيها الك بتصيري مثقفة،
بعدين تاريحك معروف كيف بلّشتي كومبارس بفيلم مدام بانبينو لبطلة مع سمير حبشي بشورت على المكتب ، لطفلة كلوديا المدللة ، ما وصلتي بس لانك شاطرة في كتار شاطرين ما وصلو لانو ما بيعرفوا يتمادوا متلك ويحاضرو بالعفة ، ويتحمّلو كلوديا مارشليان وعقدها ، بعد بحكي او خلص ؟
الدراما اللبنانية بانهيار دايم ،ومش غلط الناس عم تحضر متل ما عم تحضر رابعة وبرنامجها السخيف اللي بيحكي بمواضيع ما بتوصل لاي نتيجة . بنت السريلنكية اللي استقبلتيها ، ليش ما سأليتها كيف تعلمت بأحسن مدارس بلبنان علما انو مش هالقد هينة تفوتي عليهم ببلد عنصري وعنصري كتير لدرجة امك ما الها حق تنزل على البيسين بلبنان ؟ ليش ما ناقشتي الموضوع بعقلانية و بموضوعية ومش سكوب عن عنوان بنت السرلنكية .كيف ام بتنضف بيوت بنتها بأحسن مدارس وجامعات .
امك الزوجة الثانية ليش قبلت اصلا ؟
او لما بدك رابعة منحكي عن الزوجة الثانية ولما بدك ما منحكي ، برنامجك فاشل وارتاحي بليز .
اشربي قهوة انت وكلوديا مرشليان واعزموا مروان حداد واحكوا عن ايام عزكن ،بس ارحمونا منكم على الشاشات.
