صالون زهرة صار لازم يتسكّر ، مسلسل كوميدي فاشل ، النص على ما يبدو تقليد لفيلم سكّر بنات ،للمخرجة نادين لبكي .
شو بدك يا نادين جابر تسرقي بعد لتسرقي، والمخرج عادل سرحان كان حكي عن مسلسل شبيه ،قمتي ما قصّرتي يا ست جابر ،ولحقّتي حالك وكتبتي اللي كتبتي، وياريتك ما كتبتي…
مين خبّّرك انك مهضومة ؟ ونادين نجيم آخر همّي غرامياتك، بس للاكيد انو الهضامة ما بتجي من خلال عمليات التجميل، ولا من الدعايات التقيلة كتير، ولو مع كباية سفن أب ما بتنبلع.
-جو بو عيد كنت خليك بالفيديو كليبات بلالك هالطحشة مش لالك حبيبي .ليك يا عيني، انت بتعرف تقرا عربي بالاول؟ بذكر انك دايما كنت ابن الشازليزيه، فكيف قريت النص؟
يعني شو بدي قول لقول …
من ميلة نادين نجيم ومن ميلة محمد رمضان ، لالالالا هيدا تعتير بحد ذاته ، والتعتير الأكبر اللي راكض يتصور معه، بدنا نروق شوي ونشوف حالنا يا صحافيين مع مين عم نتصور .
هالقد صارت الصحافة ولا شي ، بتركضوا لتتصوروا مع محمد رمضان؟؟؟مين يعني محمد رمضان؟اللي ما في ولا بنت لبنانية بتستاهل تغني معو؟؟؟هيك قال .اللي ما بيحترم بناتنا شو بيكون؟؟؟
-باسم مغنية ناطرين العمل الجديد ، سيرين خلصنا ، خلص دور العمر والعقد النفسية ، سلامة قلبك جرحتي اجرك، ولك شو هيدا ؟ضروري تصوري أجرك، ضروري هالبلبلة من دور العمر شايفين حالنا فيكي مع سعيد الماروق ، نزلتي لمستوى يا دلي انا …
نادين الراسي طلّي ما حدا أحلى من حدا ، يللا نادين نجيم حديث الساعة، طلّي انت طلي حبيبتي فجّري طاقاتك المخباية ، ما نحنا بعصر ما في نجوم جديدة من نادين ل نادين ، ومن كلوديا ل نادين ، لو سمّتني امي نادين ….
