بقلم النائب في البرلمان الكندي زياد ابو لطيف
يمنى!
يمنى يا باقة ورد ما بتموت
بتنشم عطر، بتنلبس ياقوت
يا متل دمع النبع حدّ الفيّ
يا قصة الضيعة ع عين الحيّ
يا حكاية البسمة الملاني قوت
يمنى! بعد بكير يا سمرا
يا نجمة الما بينسرق عمرا
عرفتك شقا الساعي وكرم حليان
عرفتك يا أطيب قلب في إنسان
ليشك يا سمرا مبكّرة السفرا
يمنى! حدا متلك بيسوا كنوز
يا طالعة من مقلع الفيروز
يا بسمة الما بتخلص من الروح
يا غبنك تروحي ملاني جروح
لبنان متلك ناس شو بيعوز
