احتفظوا برأيكم تما نقول أكتر…. أصحاب ولا أعز حقيقة مش تفنيص

شو في قايمين قاعدين على فيلم: “أصحاب ولا أعز”؟؟؟

“أغلقوا أفواهكم”، حتى ما نقولا بالعامية، ما بتعرفو رجّال عم بخون مرتو؟؟؟ ما بتعرفوا شاب عندو ميول جنسية gay ؟؟؟؟

يا لطيف يا دللّي شو صار قايمة القيامة؟ ما في امرأة بتخون زوجها مع صاحب زوجها؟  في وفي كتير، هالقد الحقيقة بتخوّف يا جماعة؟ منى ذكي هلقد جريئة لانو مثلت انها امرأة لا ترتدي سروال داخلي!!!!

ياعيب الشوم على مجتمع خجل من حقيقتو، يا عيب الشوم على مجتمع مش شايف الشوكة اللي بعينو، ياعيب الشوم  على مجتمع بس شاطر يكسر الشاطر والمجتهد.

هلّق نتيفلكس عم تنزع المجتمع وتشجع على الشذوذ؟

ليش ما منعرف نوقف حدّ بعض، نحب بعض، الفيلم مش مسروق يا جماعة، الفيلم من إنتاج نتيفلكس، في كذا نسخة من الفيلم، هل الفرنسيين بهدلو طاقم العمل بفرنسا والممثلين الفرنسيين وقالولن سارقين الفيلم؟ عيب اللي عم بصير، عن جد عيب.

لما يكون شي حلو مش عيب نقول، بالعكس لازم نحكي، لازم نكتب.

مبسوطين بمسلسل عالحد، وهو بالواقع مسلسل ضعيف، وفاشل، كيف بنت بتعيش بلبنان، تربت بلبنان درست بلبنان وبتحكي سوري، بوقت ولاد خالتها معها بنفس البيت بيحكو لبناني وبنتها بتحكي سوري، تعتير …. شو بدو يقول الواحد

سلافة ممثلة خطيرة ولكن النص والشخصية مش زابطها، رودريغ سليمان بكل مسلسل بخون نفس الممثلة عفوا ما بعرف اسمك، بس بحب تمثيلك هو ذاتو مش لانو انت مش شاطرة العوزو بالله بس بس نفس الدور هاهاهاهاها…..

والله كنت مرتاحه ومقررة ما اعطي رأيي بقى بالمسلسلات والأفلام لانو الوضع بلبنان مبكي ومش وقت نحكي فن، بس لما توصل انو نحكي على فيلم متقن من حيث التمثيل والإخراج ايه لا فشرتو، ضبوا المسلسلات الفاشلة اولا، وبعدان تجرأوا واحكوا عن ممثليين ترفع لهم القبعة.

ما صدقنا بلشت الدراما تتطور، ولكن نحنا مجتمع ولا أعز.