بقلم فريدا
دموعِك ما لازم ينزلوا
دموعِك ليَسقوا الورد وبس
لما الورد عطرو بيغزلوا
يعني بدفا حنانك حسّ
همِّك للبحر اشلحي
معي أنا لا تستحي
عيشي العمر وافرحي
هالعمر ليلة ونص
ساعة بكتبلك أشعار
ساعة برميكي بالنار
مسكينة انت : بلا قرار
محتال أنا : و عاللس
بتخلص السهرة وبيفضى كاسِك
كتفي انا مشلوح على راسك
والورد اللي انسقى من دموع احساسك
يهمس ع السكيت:
يا ريت تخليلي هالليلة ……ليلة ونص 
