شاعر المنبر سعيد الحاج
قالت إلي : رح فِلّ – دخلك شو جرى عا خدود عمري – دمع حرماني جرى
وروحي على شْفافك يا شاعر دايبِه دَوْبِة حلا الـبخـور – فـوق المبخره
قِـلْـتِـلـهـا : عا صوتك الْجَوّ انْحصر ونور الـكـواكـب – لَـيَّـل وضاع الـبصـر
وِتْـحَـطّـم الـمرّيخ عـا بـدر انْـعَـصر وصارت دموعي مْن الشظايا مْشَحتره
لَيْكي البرِد من إيدك فْراشو – نصب وخمر اليأس عا شْفافك بْيِرجُف قصب
وشَيْخ الحِزِن بعيونك خْيالو انْتصب وعا دروبك الأوهام – مِـشـيِت غـنـدره
ابْتِسمي قْـبـال الحُبّ – غيرك ما إلو وحُبّي بلاكي – لِغِـز- قـلـبـي بْـيِـجـهـلـو
وْشو كان عمري قَبِل موعدنا الحلو إلاّ – بـقـايـا سـنـيـن – روح مْـخَـتـيـره
وِانْـكـان بـدّك تِـتـركـيـنـي وْتِـرحلي صِـعـبِـه عَـلَـيّـي فِـرقـتـك – يـا مْـدلّـلـي
عمري إلك – عا قدّ – ما عمرك إلي مِنموت – وِمْـنِـحـيـا – ثُـريّـا – مـش ثـرى
هاتي لهيبك – لَو لهيبك عالصليب علّق شبابي – وْطَوَّف بْـعَـيْـنـي – النحيب
هاتي لهيبك – ما بْخاف مْن اللهيب حُـبّـك إلـي – مـا كـان – أوّل مَـجـمَـره
سْكِرْنا بِخمر الحُبّ نحنا وطَـيْبين وبُكرا- عِند ما نْـصيـر – بَـيْـن الْـمَـيْـتـيـن
مِشّ بَسّ بَدّنا نْشَبِّع الْمَوْتى حنين بَـدّنـا – بِـقـلـب المقبره – نْـعـيـش الـغـرام
حتّى الحجر يِعشَق حجر بالمقبره
