-إدارة الممثل ، مهنة ضرورية بلبنان ، مهنة مطلوبة جدا ، ومطلوبة جدا جدا ،لانو في ممثلين ولوّ معهم استاذ تمثيل او acting coach, انجأ عم يقطع تمثيلهم ،طيب لو ما معكم الاستاذ شو كان طلع منكم …
-كتير حكيت عن شركات الانتاج اللي أصدروا بالماضي ممثلات صاروا نجوم صف اول اليوم .
وأصدروا نجوم دور ثانوي ، إذا مع أكتينك كوتش وهيك عم بمثلوا كيف لو كانوا بلاه، يا دللي، جوي سلامه بدك كتير فت خبز ت تشدشي الشخصية، وتخففي تستعملي ايديكي…
-صدمتيني يا شيخة ، استاذك علّمك انو الشخصية لازم يكون عندها ماضي ، واوو نيالك تعلمتي شي .
طيب انا بس بدي افهم من وين بتجيبوا كل هالمتابعين ، وانا اللي عم بسأل ،وهلق صار كل مين نخوت تما قول غير هيك،بجيب متابعين اكتر …
-هلق صرنا ناطرين آخر حلقة من كل مسلسل ، في نهايات متوقعة وفي نهايات غير متوقعة .انا ست فهيمة بطّلت أعرف شو اتوقع بس كلو ولا هادي يرجع ل ريم … (مسلسل للموت )
بس بدي قول انو ماغي بو غصن شطورة ، ودانييلا عم تتحسن حلقة بعد حلقة ، برافو بس مفروض تكوني شاطرة من الاول، انو نحنا المشاهدين مش حقل تجارب ولا الدراما هي ورشة عمل.
بس الاقوى بمسلسل للموت المخرج اللي بيعرف كيف يقطع أحاسيس دانييلا لتوصل طبيعية وحقيقية ، انا بتحدى دانييلا تعمل مشهد بلا تقطيع …
-مسلسل ٢٠٢٠ ما عم بتفاجؤني ولا شوي ، مط وعل… واستاذ فادي ايراهيم وكارمن لبس حلوين وشاطرين، بس رولا وطوني ما كان ضروري تاخدوا هالادوار انو عادي ، رولا تسمسمتي شوي وطوني اووفر شوي …زعلت عليكم أوي أوي أوي –
-راحوا ما رح يروحوا بس يخلص رمضان ، بس ياريت بروحوا ويريحونا …
-زوج تحت الإقامة الجبرية ، شو هالاسم البشع والطويل ، أحلى شي بالمسلسل أغنية زياد برجي …
مستوى التمثيل أوفر يا ماما أوفر … النص تعتير ، الحبكة وينها ،دخيلكم خلص المسلسل وانا ما لاقيتها ، الاخراج الله يكون بعون فريق الاخراج … بس مهضومين انو انتو بين بعض عم تتسلوا ومبسوطين هالشي واضح بس ما في نص ما في شي الناس زهقوا وراحوا كمان … يلا بسيطة غيرها بغيرها …
-انا مش ناطرة آخر حلقة لا من باشا ولا جمهورية نون ، اكيد مش ناطرة ما بهمني خلص تصدير مسلسلات دون المستوى ،بليز خلص ، بدي هني شركة الصباح وشركة ايغل فيلم لانو كمشونا وخلّونا نحضر ٣٠ حلقة… في مستوى ، وبلشوا يجيبوا ممثليين نفتخر فيهم، بس بليز برضايي عليكم المرة الجاية عملوا كاستينغ في كتير مواهب بعدها ببيتها ….وجربوا نصوص جديدة مش غلط والله ….
اوف تعبتوني…
