“انا لا أشاهد الدراما التركية”
لا يا شيخة، نادين جابر، الكاتبة، التي نقلت مسلسل “حتى الممات” من تركيا، نسخت المسلسل، وطرشت شوي ودهنت، وصدّقت حالها انها “لا تشاهد دراما تركية”.
لا لا كتير هيك، مش قادرة ابلعها، لحظة حبيبتي لحظة شوي كتير، مسلسل لا حكم عليه، هو ذاتو مسلسل حتى الممات وقد ما عجبك الاسم، آخر مسلسل كتبتي سميتي للموت.
نادين حبيبتي، منحب المسلسلات اللي عم تكتبيها بس خدينا بحلمك شوي واحكي عن الشعب الطبيعي العايش بالحياة،.
على كلن، اوقات نسيتي ككاتبة لمسلسل ٢٠٢٠، انو في أجهزة تنصت بالمحل، و مفروض يكونوا سمعوا انه انكشفت نادين، انو رولا او وردة شافت السلولير الغالي، ومفروض ينبهّوا نادين، على كلن بعرف انه هيدا مسلسل ومش شي حقيقي، بس انا بفضّل المسلسلات الحقيقية اللي بتشبهنا بس اذا صارت الكتابة فانتازيا، خبرينا.
مسلسل للموت امرك ل الله، هلكتينا عقد نفسية واغلاط بالقانون، وبيت الدعارة …
بس دخلك فيفيان انطونيوس لشو بالمسلسل؟ شو قدّم واخّر دورها، ولشو شوّهتيها كل هالتشوه، مش حرام…
دخلكن ما حدا من يللي قرأوا المسلسل لاحظ انو شخصية فيفيان موجودة بس لتذكرنا ب بلانكافلور….
حبيت شكلو ل بديع ابو شقرا، اشتقت شوفوا بلا كارين رزق الله هاهاهاها…
وخلصنا مد وجزر بالمسلسلات، يا خيّ عملو مسلسل ١٥ حلقة واعرضوا مسلسلين ورا بعضن هيك بصيروا ٣٠ نهار رمضان…أحسن وأكلس من كلاس…
والله ما في مسلسل السنة ما بتقدم فيه كم مشهد، هلكتونا وبالاخص هول جماعة اللي ببلّشوا الحلقة بمشهد من الماضي وبيرجع بيطلع الجنيريك، لا كتير هالقد،
الحلقة تبدأ مشهد من الماضي، يتبعها فيديو كليب، يتبعها الحلقة مع مد ومد ومد ولي ومد وبتصير تقدم وبتخلص الحلقة، وتشويق قد ما بدكن منخلص من عقدة منروح على عقدة ثانية، بدنا نمد بدنا نبيع ٣٠ حلقة مهما كان الثمن….
نادين جابر مش عم تنبلع معي “لا أشاهد الدراما التركية”.
