لماذا kid chopsticks ؟؟؟؟؟
ولماذا مرة أخرى؟؟؟
يا حبايب قلبي، اذا ما بتعرفوا تاكلوا سوشي متل الكبار، مش غلط ما تاكلوا سوشي، اول مرة سكتنا بس تاني مرة وبعد ٢٠ حلقة ما تعلمتو، خالد القيش، ماغي بو غصن، نحنا كبار ولا لأ… للموت سوشي…
-دانييلا حبيبتي، شو رأيك نقصّ الضفير شوي، طوال كتير ولا لأ؟؟؟ والله بخاف على وجه هادي منك…
هلق انا حضرت حلقة ٢٨ من مسلسل للموت، كان فيي ما احضرها، انو ولو بس عم منعبي وقت وصفحات… وناكول سوشي هاهاهاها، يخرب بيتكن ما حبيتكن.
-وهلق دور مسلسل ٢٠٢٠، طوني عيسى نقي ايّا لهجة بدك تحكي، مش زابطة تقبرني. ما تزعل مني بس رجاع على خرزة زرقة او على لا حكم عليه، كنت أزبط، طالع متل الكاراكوز، وأوعى تصدّق تويتر هول كلهم سيف العبد ….
بما انو نفس الكاتبة ، بمسلسل للموت و مسلسل ٢٠٢٠ ، فشكلا هي حلقة ٢٨ ، تعباية هوا هيدا ستيل كتابة جديد، بالقوة بدنا نمطططط ونشطططط بالفكرة لتصير ٣٠ حلقة ، شو هالثقة اللي عندهم ياها شركات الانتاج بيشتروا المسلسل بلا ما يقروا حلقة ٢٨ ، نصيحة مني بس بدكن تشتروا مسلسل من نادين جابر اقرأوا حلقة ٢٨ ، لانه ما بتقطع للموت ما بتقطع . بالموت تعشوا وب ٢٠٢٠ طبخوا ، هاهاها ، وبالمسلسليين طحنوا الدوا ، شي بالطبخ حطوه وشي بالعصير هاهاهاها، كتير قديرة الكاتبة ، افكار عم تعيد نفسها ، مع اقتباس افكار من التركي ….مش غلط .تعودنا ولو عودتونا يلا كلو ماشي …
مسلسل راحوا قال بدها تشطح ٦٠ حلقة ، يا عمي لما كنا مفكرين ٣٠ كنا عم نق ونقول كيف بدها تشطح ٣٠ حلقة ، بس ٦٠ لأ لأ كتير هيك جائزة المط الأولى تعطى لمسلسل راحوا .
يا جماعة يا روحي يا حبايب قلبي السنة الجاية بلاها ٣٠ حلقة ، رحمة ورأفة باعصاب المشاهدين والصائميين خصوصا…
