يا تقبريني يا ستيفاني صليبا ، عيدتي عيد الكلب ، والولاد بلبنان مش قادرين يشربوا حليب قبل ما يعيدوا عيد ميلادهم؟ يا عمي انت بلا مخ ، واللا مركبة مخ شو ؟؟؟
ناس بوادي وستيفاني اللي مصاحبة ملك الدولار اكيد بغير وادي …
بعدين وقّفوا هتافات “نعم للرضاعة الطبيعية” ، كل امراة حرة اذا بترضّع طفلا او لا ، ييي ييي ،ولووو بعد في الرضاعة ما دخلت السياسة فيها ، حرة انا ، انا ست فهيمة ما بدي رضّع ، مين الو معي ؟هالشي بوجع كتير ،واصلا ما عندي ثمن المكنة لسحب الحليب ، وكيف بدي روح على شغلي ، بهالايام اذا انا و زوجي ما اشتغلنا ما فينا نعيش تحت سقف واحد ، وقّفولي حملة الرضاعة الطبيعية ونزّلوا سعر الحليب .
ميريام فارس تقبرني اللي اتحمّلتوا ما حدن اتحملوا ، خسرت طفل من أربع سنين ولما رجعت حبلت بقيت محجورة بالبيت ، وتصورت فيديو ، وقد ما عملت ديكورات ببيتها نزلت فيلم على نتفليكس عن معاناتها ، كيف قضت الحجر بقصر ، حرام اضطرت تخيط فستان يفوت فيها ، وجربت شي سبعين سكريبنة، شفّقتلي قلبي هي وابنها ، وضلت محافظة على ضهر زوجها وما فرجتنا وجهو …والسبب يمكن صيبة العين؟احتمال مش اكتر
يا قليلة العقل يا ميريام شو رأيك تعزمي ستيفاني صليبا وكلبها لعندك نفس مستوى التفكير والتمثيل ، قرفتيني نتفليكس يا ميريام تضربي منك ل ستيفاني .
و رودني الحداد في أتقل من دمك ومن مقابلتك مع رودولف ، يعني باسيل طلع معك شخصية ممكن تقود ثورة ، يا عمي وبتحكي عن حالك مخرج وكاتب وممثل وبتجيب سيرة باسيل بالبطولة والذكى طيب انا كيف بدي اخدك على محمل الجد ، بينفع تعزموا معكم ميريام وستيفاني… رودني حبيبي شطور بالتمثيل ما النا لا ،وبيلبقلك كم دور وأكيد مش كل الأدوار، والأهم انه ما لابقلك تحكي سياسة لأنك بعدك لاحق زعيم …
يضرب كل واحد بعدو لاحق زعيم بلبنان بوقت لبنان عم بيخلص وما عاد بيشبه لبنان .
صار الشورت خطية ، واللي بيحكي ايدنا والكف ، بلد مسخرة ، قرّفتونا لا قادرين نفلّ لانو ما فينا ،وما معنا باسبور اجنبي ولا مصاري لنركض على دبي متل الفنانيين وناخد الإقامة الذهبية ونتصور نحن وحاملينا ، وماغي بو غصن بحسنة اللي بتحبين روقي علينا شوي انت وجيسي عبدو دخيل الله ما اتقلها جيسي بركي بتعمليلك شي فيلم لجيسي عبدو و رودني حداد وبكون اسم الفيلم “مين اتقل انا او هي “.
