عزيزتي باميلا الكيك….
بدنا نروق شوي، شو فهمنا،
هاو الخطابات لي بتطلعي فيهم، والإجابة السريعة تبع غاندي بليز بليز بليز خلص، منعرف منيح انك حفظتي الأجوبة، برافو ولا غلطة، بس خلص، انو تخبرينا رجال السياسة مبسوطين فيكي و بجوباتك …. على مين عم تضحكي.
يا عزيزتي انا مدام فهيمة، خابزتك وعاجنتك، انا اللي بعرف انت مين وكيف بلشتي، بدنا نروق بالمقابلات ونعرف حجمنا… انت بنت الـ ماما و الـ بابا، ضلك بنت بيت يا حلوة يا شقورة …
بعدان وعلى فكرة، كيف بتقولي انو انت مش من الممثلات لي الإغراء والجمال هني لي ما فوتها على مهنة التمثيل.
آخ دخيلكم هدوني، لا بدنا نروق، ونروق كتير حبيبتي…. صدقتي حالك كتير
رح ذكرك لما الـ ماما وصّلتك على تصوير فيلم “مدام بامبينو ” كتابة كارين وفادي، إنتاج مروى غروب، ووقتها كان لازم تلبسي تنورة قصيرة، ومن بعد الرفض صارت التنورة القصيرة ستايلك يا شطورة القمّورة
و “عصر الحريم”… المسلسل التاني اللي شاركتي في، من كتابة منى طايع، وأكيد من انتاج مروى غروب، يعني مروان حداد أطلقك، آه وبعدين “كوكو” شو نسيتي “يا بامو”؟
بدنا نروق وما نطلع بمقابلات نقول انا اعتمدت على ادائي التمثيلي، حبيبتي بدنا نروق.
أنا بحب تمثيلك، مش غلط ابدًا بس بدنا نروق ونهدي، لانو ما فيكي توصلي لأداء ندى ابو فرحات، او برناديت حديب، فيكي تكوني أشطر من ملكات الجمال بس مش أشطر من خريجي المسرح.
يا حبيبتي اشتغلي على حالك بعد، في شي اسمو ورش عمل، بيشتغل على الممثل، خصوصًا انك مش دارسة تمثيل، انت مخرجة وكاتبة على الطريق.
برافو بحب موهبتك، بس الموهبة والشقار ما بيكفو تتصيري ديفا، آه نسيت أنت ما بتهمك الشهرة، انت ممثلة بالفطرة.
طيب خلص بدّي وقّف حكي و قلك نصيحة مش لـ غاندي وأكيد مش لستي لي قالتها: “لي بيتو من قزاز، ما بيراشق الناس بحجارة”.
