تحدثت الفنانة دوللي شاهين لإحدى البرامج التلفزيونية، عن طفولتها وعلاقتها بوالدها، والتي كانت متوترة باستمرار، مؤكدة أن أهدافها تركزت في التخلص من قيود والدها.
وقالت دوللي شاهين: “طفولتي مكنتش لطيفة لدرجة كبيرة، واللي فكراه اني في سن مُعينة كنت عاملة زي الولد وبتعامل زي الولد وشقية جدًا، وعلاقتي بوالدي ماكنتش كويسة، ولكن والدتي كانت ملاك”.
وتابعت: “بابا أثر فيا أكتر من ماما لأن شخصيته قوية جدًا وراجل شرقي بزيادة وكان عنده قيود كتيرة وكان كل أحلامي إني أتحرر من قيوده، قبل ما أفكر مين فتى أحلامي”.
واستكملت: “أفتكرله موقف، كان أول جيبة ألبسها في حياتي جاتلي هدية وأنا عندي 13 سنة فقطعها لي علشان يقهرني ويضايقني، ومن وقتها وأنا بقى كل هدفي إني أتحرر من عقليته المتخلفة دي”.
واختتمت: “هو كان شايف إني مش حلوة وأنا دايمًا بقول البني آدم اللي عنده مشاكل بتكون من الطفولة وممكن والدي كان كده، أكيد هو مش بيكرهني ولكن كان بيخاف عليا بطريقة خلته قفل عليا بزيادة، فأكيد هو شاف أو عاش حاجة خلته كده معايا”.
