بقلم ماري تنوري
بدِّك ياني ضَلّ بْجَدّ
كنتي عْمِلتيلي مَعروف
وْخَلّيْتيني كمِّلْ عَدّ
وْإحْسُبِ حْسابِ المَصروف
يا حلوة اللي خصرِك هَدّ
عُمري اللي بْسِحرِك مخطوف
عَ مهلِك وَضْعي عالقَدّ
القُصّة مِش بِسكربيني
بَعرِف أهلِك ربّوكِ
مَربى الزمان الماضي
وما بْيُرضوا اللي جابوكِ
يكونوا تِعبوا عالفاضي
شوفي كلّن نِسيوكِ
وأنا اللي فيكِ راضي
قلبي وروحي حبّوكِ
مع إنِّكِ تَعَّبتيني
حبّيني وطيري فيّي
وما يْهِمِّك وَلا تُفصيل
وْطَولي بالِك عْليّي
ما فيّي عالمُسْتحيل
هالحبّ اللي بْعينيّي
ما بْيِتحَمَّلِ التأجيل
رَحْ بِتْصيري بالميّي
عم تتْمَنّي تْحبّيني
