بْوابْ المدينة
سَكّْروا… بواب المدينة
وشيلوا كل الصوَر… والزينة
وخبوا بيادر القمح… والمونة
وشرعوا بواب الكرامة…واسمعوني….
من الشرق جايي… سفينة
عليها علم….. مجهول
ملوّن بدخان وغبرة…. خيول
يمكن غول…. الجاهليّه
يمكن العنقا…. الخياليّه
يمكن هجمة دياب….. المغول
ومن الغرب…. جايي سفينة
واعلام كلا منكسة…. وحزينة
قولكن جايين يعملولنا… تكريم
ويرجعولنا تاريخنا….. العظيم
ويردولنا الضاد… والعين
ويرفعوا عنا الظلم… والدَيْن
وع كلّ مفرق…يحفروا بير…. وعَين…
قولكن جايي من بعيد….هالغول
وجايب معو
خبز … وزيت… وفيول ….
يا ولادي…
أوعى تتركوا القصور
لي بين الجبل… والعاصمة… وصور
سَكروا… بواب المدينة… منيح
وزتوا بالبحر كلّ… المفاتيح
وعملوا ….سهرة نار بوج… هالريح
لازم تْلَحْقوا تحرقوا …..الكراسي
حتى تريحوا….. لبنان… من المآسي
ولمّا بتوصل …..هالسفن عالشطّ
وبدل الارجوان….. سموم… بتحطّ
ما راح يبقى من الوطن غير الدم…. والهم
وشط… وسفينة… وهيكل… مدينة…
وأم تلوّح بعيونها….. الحزينة…!
