آراء ما بعد الحلقة الأولى، يمكن نغير رأينا، بس ع الأكيد أنو رح نشاهد على شاهد كرمال نعمل pause ونقفّي كم مشهد، ما النص عادي، ونعيد لما ما نفهم… وشة رح منعيد
للموت: ايغيل فيلم
لازم أعمل مجهود لكمّل اول حلقة من مسلسل للموت،
نسيوا انو المشهد من المفروض مصوّر بتركيا، وفجأة بتقول ماغي اللي بحبها انا الست فهيمة كتير، ” خليون ٢”، حبيبتي ال bar tender lebneni.
بالحقيقة وليش تالواحد يحكي، حبيت كتير انو ماغي عاملي شي جديد، ممثلة بتنوّع وبتشتغل على الشخصية، ديعانك كارول عبود، انت كتير شاطرة بس للأسف عم تكبري بالعمر ومش عم تعملي عمليات، ولا تنازلات لتكوني بطلة عمل، لأنو للصراحة بتستاهلي، اما انت دانيالا فيا ريتك بترجعي ع استراليا، زهقتينا، غيري مدرّب اللغة، ومدرّب التمثيل … دخيل الله، خلص، وقّفي، بكفي نزف دموع.
منتابع حلقة ٢، بس لو بتخففوا دخان هلكتونا …
لحم غزال: شركة الصباح مصري
غادة عبد الرازق، حبيت، شاغلين كتير حلو، تفاصيل، في قصة اكبر من عباية سودا، نص ذكي ويحرك الحشرية،
تمثيل أساتذة بالتمثيل.
بس، ما بعرف ليش دايما عندي احساس انه غادة عبد الرازق بتطلب الدور متل ما بدها كأنها عم بتفصّل شي تايور عند خياط، مجرد احساس… غادة صرتي متل كتار اللي عاملين عمليات تجميل، صرتي بتشبهي الكل والكل بيشبهك، بلا ما تزوري لبنان، شو كان بدك بهالقصة، شبه مين انت؟ أكيد مش شبه غادة عبد الرازق …
نتابع حلقة ٢
خلي بالك من زيزي: مصري
لذيذ خفيف، شوي أوفر بس مش غلط بسلّي، بحب الممثلة اللي فيه منخارها بشع بس شكلا ما توجهت الى لبنان، ومنتمنى منك عدم السفر إلى لبنان، خليكي زي ما انت، برافو عليكي …
نتابع حلقة ٢
قصر النيل: مسلسل مصري
شايفة كتير على نسقو فينا نقول، شكلو بدنا نلعب لعبة العشق الممنوع، بس بقالب أيام الزمن الجميل، يعني متل ما بيقولوا المصريين مش بطّال، البطلة دينا الشربيني بحب الثقة اللي عندك، بس دخيلك هو شكلك كده عادي…
نتابع الحلقة ٢ …
مسلسل ٢٠٢٠: الصباح لبناني سوري، التركيبة الشهيرة،
يا الله يا نادين، حسبي الله ونعم الوكيل، على مين توكلي يا تقبريني بالعمليات التجميلية التبشيعية، يا روحي انت، ما انت أصلاً ما بتعرفي تعبّري هلق خلص، بطّل في شي بوجك حقيقي،
قصة المسلسل شايفينا والله، يلا هلق روحي على المنطقة تحجّبي، وعيشي بيناتن لتكشفي المجرم الحقيقي، بس يا دلي رح تحبي قصي، متل ما حبيتي تيم بالهيبة، اه مش غلط،…
تمثيل كارمن وقصي حلو، لعب بالاداور، بيلعبو الدور اما انت تؤدي الدور، بتسمعي النص،
المسلسل في يصير فيديو كليب، ديو بين رامي وابنة عاصي ماريتا، ونادين ملكة الجمال، مش غلط،
لو انا ال بابا عاصي حلاني وقلت بدي مثّل، كنت أكيد مثلّت، بس لا انا ما بحب التمثيل لما بكون النص ما بيشبه واقعنا، صار الممثل اللبناني يمثل واقع بعيد عنو، وبعيد كتير …
سنتابع الحلقات لنشوف توقعاتنا اذا رح تنجح، بعد في كتير مسلسلات برمضان
انتظرونا
