شو نادين نجيم شو حبيبتي كيفك ؟ مقهورة تقبريني طار صافي ، بطّل بدك تنهنهي شوي ، تقبريني انت وايديك الناعمة، ضربتي منيح ، لا ما كتير منيح هو المنيح المخرج الشطور اللي بيعرف يصوركم، قصي صافي ، ما صدقتك اكلت خبيط، ما أقنعني المشهد .هلق معقول نشوفك او بالاحرى نشوف النقيب سما عم تتخلى عن مهمتها وتنحاز الى صافي (قصي خولي) وتقف الى جانبه وتدافع عنه؟
متل ما صار مع راكيل والبروفسور في ‘La casa de papel”؟
نادين ،ما بعرف اذا لازم أتوجه لناديه الكاتبة او نادين الممثلة ، بس انتن بنات جميلات متعلمات مثقفات، معقول احداكن تنغرم يوما ما ببائع خضرا بس لأنو شهم. نسيلي قصة العملية وما هنالك ،بس لا لا مش منطق ،بنت بحلا سما عاشت الحب وتزوجت وعندها بنت ، تنغرم ببياع خضرة ، ولو مش زابطة ،لا منطقي، ما بدنا نحكي طبقية بس الحقيقة انو لا ، واذا ايه، فرجوني ،دلوني ، على بنت متعلمة وحلوة ، ويا لطيف انغرمت وببياع خضرة ، غير البنت اللي بمسلسل للموت لانه مبرر البنت من نفس الحي وعمرها بيسمح تنغرم بس امراة في الثلاثين ما بيصير .ليكي نادين الكاتبة انت شكلك بتحبي بياعين الخضرة ، ايه مش غلط بس الغلط انو مسلسل بهالحجم ضاع المنطق فيه.
-ياالله انا مش عارفة كيف بدي اخلص من كارين ، قام طلعلي بنتها لا راحت ولا اجت ، سؤال بنتك رح تدرس مسرح ؟ او وراثة متل السياسيين عنا ، ايه مش غلط ، طيب اسمعي هالكلمتين :”صورة طبق الاصل، نفس الشي منحكي، تمنا ما منفتحوا لشو اصلا ، ما ضروري نحنا نسمع او نفهم ، تقبرني هي وبنتها بيعملوا همس ، مع انو كتار بخبروني انو صوتها بضل ملعلع بالكوليس ، هيدا وجه الكلاس والرقي مش لابقلك كتير حبيبتي .
-وجدان تقبريني ، ريم ، ولو دانييلا هي ذاتها تقبريني …او قلك تقبري غيري تضل شوف الغلط وانتقدوا
لكل يللي شايف دانيللا رحمه اتحسن تمثيلا، منقلّوا صحيح، بس السبب مش لأنو هيي اتطور أداءها، بس لأنو عم تمثل مشاهدا مع ممثلين حقيقيين وعم يعطوها احساس صحيح بكلوزيتا… والدليل على هيدا الحكي لما تمثّل مع البنت بالشارع، ادي بتبين البنت أقوى منها بالتمثيل، وقدي بتبين فاضية من جوا ..
-لك كلكن كوم ومروى غروب كوم ، هاي على غير كوكب عايشة ، يعني ما عم بفهم ، عامل الانتاج بيتطور وبصير مخرج من دون أي شهادة وشو إخراج، وشو إدارة ممثلين ، يا عيني بقول للقلب اخخخخخخخ، دخيل اجريكن بمروى غروب بكفّي صدّرتو ملكات جمال ممثلين نلك خلوا الاخراج لاهلو ، بليز رجاء ما بصير هيك ، فاتحين صناعة مهنة على زوقكن؟ ، الباشا ٣ لا لا هيدا شي لازم يكون خارج كادر الكاميرا عيب والله عيب .
