سبق وقلت ورح ارجع كرر انو مسلسل منى زكي حبيتو أوي أوي، بس اللي حبيتو أكتر من منى زكي هو الشاب اللي كانت راكبة معاه منى في أمريكا، ده طلع ممثل أمريكي اسمو adam el shar من أصول مصرية وعايش في هناك، آيه الحلاوة دي يا واد، ايه الجمال ده، خلاص نسيت مصيبتي وانو كنت عايزة مكسيم خليل ليحلى رمضان ده حلي بوجودك يا حلو يا بطل، حبيتك وين بيتك؟؟؟
باب الحارة جزء ١١:
بس خلص بكفي هيك، والله والله ما لقيت ولا كلمة احكيها، وأكيد مش قادرة شوفوا للسنة ١١، لا كتير، ما انا كنت ولد بس بلّش، ما قدرت تابعو من الاول.
هجمة مرتدة: مسلسل مصري
هيدا مسلسل مصري ولكنه شامل عدد لا بأس فيه من نجوم العرب، من العراق الأردن، فلسطين، لبنان، وعلى سيرة اللبنانيي، النجم اللبناني كميل سلامة بالمسلسل، يقبرني كان مبسوط بالكوليس لانو بعيطولو استاذ، كان الو زمان مش سامع هالكلمة هيك هو قال.
وعلى فكرة، وتكون صريحة متل ما تعودتو عليي، انا ما حبيت المسلسل، صعب هيك، كتير أكشين وأجواء مخابرات واستخبارات شي غرب أوروبا، شي عراق، والله ما فهمت شي من الحلقة الأولى غير أنو احمد عز بيشتغل بمطعم…
لن اكمل صعب، انا بدي مسلسل مش كتاب تاريخ
-وهيداك التاريخ، مسلسل موسى للـ رقم ١ محمد رمضان، ريتك ما تكون بديار حدا، انت وموديلك، وعاملّي حالك موديل ال١٩٤٢ آه آه، عمرو ما يكون برنامج، ما كملت الحلقة، ييي زهقتونا…
بمصر شكلو في موجة اكشين، ومخابرات واستخراج جربت أحضر القاهرة كابول طلع بيحكي عن المؤامرات التي تُحاك ضد المنطقة العربية، وخاصة مصر بالفترة الأخيرة، مسلطًا الضوء على الأعمال الإرهابية التي تقع في هذه المنطقة،
مش ستيلي ابدًا ابدًا ابدًا….
لا كتير هيك ارهاب، بدي نام بالليل،
-مسلسل بين السما والأرض، علقوا بالأسنسور بخبركم بعدان عن رأيي فيه بدي أعطي وقت، بركي بيطلعوا و بيتغير الوضع لهلق بعدن بالاسنسور ….
لكانوا طلعوا، من هلق لوقتها تصبحوا على خير ….
