كتب النائب أديب عبد المسيح عبر حسابه على منصة “أكس”:
“برسم وزراء النقل والسياحة والداخلية ومحمد الحوت. وقفت متل غيري بالصف في مطار بيروت للتفتيش، هيدا المطار يلي بالموازنة كانوا ناسيين يخصصوا نفقات صيانة تليق به، ومحمد الحوت بضل يربّح منية انو لولا الميدل ايست ما في صيانة. انتظرت 20 دقيقة، مش هون المشكلة. خلال هذا الوقت مرق 5 أشخاص خط عسكري، يعني ما انتظروا. إذا حسبنا كل ساعة بيمرق 15 شخص بالواسطة، يعني باليوم تقريبا في 360 مسافر هودي عاللبناني. اذا حسبنا 250 شخص منهم قادرين ماديا يحجزوا صالون الشرف يلي بكلف 200 دولار، هيدي خسارة مباشرة لمطار بيروت بقيمة 50 ألف دولار باليوم، يعني مليون ونص دولار بالشهر و18 مليون دولار بالسنة خسارة للهوبرة. ناهيك عن الأذى المعنوي للأشخاص يلي عم يطبقوا القانون وأضف احتمالية التهريب والتهرب يلي ممكن يصير نتيجة مرور أشخاص مع “حماية”.
وأضاف “هلق ممكن يطلعوا بعض الأشاوش ويقولو ليش هيدا البوست وفي موسم سياحي. الجواب: احترموا العالم وضبطوا الفساد وعملوا مصاري للدولة في الموسم السياحي. أعتذر عن نشر صورة evidence لأني أحترم البدلة المرقطة”.
